Artigo da concelleira  Paz Abraira, do grupo municipal do BNG.

O número de edificios declarados en ruina no concello de Lugo vai a máis cada día. Se levantamos a vista podemos ver casas e edificios absolutamente deteriorados e aos que os seus lexítimos propietarios non lles fan caso ningún, pero dos que tampouco están dispostos a desprenderse a un prezo razonábel. A verdade é que esta situación repítese en certas zonas do casco histórico pero tamén nos barrios máis antiguos da cidade como poden ser o barrio Feixóo, a Milagrosa, A Ponte, Lamas de Prado,…

Unha vez abertos eses expedientes de ruina, aos propietarios dáselles un tempo determinado para facer as obras que se estimen oportunas no inmoble, pero o que acontece habitualmente é que seguen sen facelo, polo que o concello está optando pola imposición das denominadas multas cohercitivas, de entre 2.000 e 3.000 €, para obrigalos a actuar. Pero se siguen sen facelo, o concello vai ter que adoptar outro tipo de medidas, tamén legais, para evitar non só o deterioro do patrimonio senón tamén os riscos para os cidadáns.

A vía aberta na nova Lei do Solo para desbloquear o urbanismo de Barreiros permitirá aplicar ese modelo para regularizar decenas de urbanizacións de toda Galicia. Polo menos noutros 37 concellos máis poderán acollerse á rebaixa que aplicou a reforma lexislativa nos requisitos para integrar asentamentos residenciais edificados á marxe da achaiadura nos que viven miles de persoas. Trátase de urbanizacións sen licenza que, na súa maioría, foron levantadas na periferia das cidades e que son anteriores á norma 9/2002. A cambio da súa regularización, os propietarios deberán dotalas dos servizos e equipamentos básicos.

A conivencia da Xunta co afán especulador do Concello de Barreiros para agasallar con 14 millóns de € aos proxectos ilegais, através dun convenio coa Deputación de Lugo, supón unha falla de respecto pola lei  e un escandaloso atentado contra a xustiza social. Con que dereito vai a Xunta a esixir o cumprimento da lexislación urbanística se logo recompensa aos infractores?